Француските медиуми пишуваат дека односот помеѓу ПСЖ и Нејмар и оваа година не е идеален, а како што беше случај минатото лето, богатите „Парижани“ ќе се обидат да се ослободат од неговите услуги во следниот преоден рок, со надеж дека овојпат ќе бидат успаешни во тоа.
ПСЖ е во резултатска криза во пресрет на осминафиналето на Лигата на шампионите против Баерн, а во последното коло претрпе тежок пораз од Монако во лигата. Покрај тоа, Килјан Мбапе и Лионел Меси се под знак прашалник за утрешниот натпревар, а локалните медиуми пренесуваат дека настанал нов проблем помеѓу челниците на клубот и Нејмар.
По поразот од Монако, спортскиот директор Луис Кампос влегол во соблекувалната и се расправал со играчите, но дискусијата со Нејмар била особено жестока. Бидејќи не било првпат Бразилецот да се соочи со челниците на клубот, тоа можеби била капката што ја прелеа чашата, затоа што клубот ќе се обиде да се ослободи по секоја цена.
Нејмар во ПСЖ пристигна од Барселона во трансфер вреден 222 милиони евра, а потоа, потсетуваме, парите што ги доби од државата Катар за спонзорирање на СП 2022 ги искористи за да отиде во просториите на Барселона и со тие пари си го откупи договорот, односно стана слободен играч.
Неодамна беше на удар на соседите кои јавно го критикуваа неговото непромислено однесување и го нарекоа „граѓанин без почит“, иако настапот на теренот оваа сезона воопшто не е толку лош, а Нејмар е во добра форма и многу им помага на соиграчите во играта.
Во оваа сезона одигра вкупно 27 натпревари, а постигна 17 голови и забележа 16 асистенции, што сепак покажува дека е во добра форма.