Во четвртиот квартал од 2022 година пазарот на компјутери забележа најголем пад на продажбата досега.
Падот на продажбата на персонални компјутери се очекуваше на крајот на минатата година, но се сомневаме дека малкумина можеа да ги предвидат неверојатните бројки што ги презентираа аналитичарите. Gartner и IDC проценуваат дека испораките на персонални компјутери паднале за повеќе од 28% во последниот квартал од 2022 година. Оваа бројка претставува најголем пад на продажбата што Gartner некогаш го забележал, што не е мал подвиг, особено ако се има предвид дека известуваат за ситуацијата на пазарот на персонални компјутери уште од 90-тите години на минатиот век. Овие неверојатни бројки значат дека продажбата е намалена за повеќе од 16% на годишно ниво.
Се разбира, овој пад не ги погоди подеднакво сите производители. Трите најголеми брендови, Lenovo, HP и Dell, претрпеа пад на испораките меѓу 29% и 37% во четвртиот квартал во споредба со минатата година. Намалувањето на продажбата на компјутерите на Acer падна за 41%, според Gartner, а се чини дека Apple претрпел најмал удар, иако испораките на гигантот од Купертино паднале за дури 10%.
Заклучокот на компаниите Gartner i IDC е ист – продажбата на персонални компјутери се зголеми во 2021 година кога луѓето продолжија масовно да работат од дома, но тој интерес се намали бидејќи постепено почнаа да се враќаат во канцелариите. Покрај тоа, глобалната рецесија и економската криза ја намалија куповната моќ на потрошувачите, оставајќи ги луѓето со помалку пари в џеб за нови машини.
Сепак, објавените бројки, во зависност од контекстот, не значат дека во 2022 година продажбата на персонални компјутери била лоша, згора на тоа, тие биле значително подобри во споредба со бројките што ги гледавме пред пандемијата, така што ова може да се смета за добри резултати во „нормални“ околности.
Gartner и IDC се сомневаат дека пазарот ќе закрепне до 2024 година. Доколку производителите сакаат да постигнат рекордни резултати во иднина, сакале или не, ќе мора да ја намалат цената на своите уреди за повторно да ги заинтересираат клиентите.
