До средината на денот ќе преовладува променливо облачно време со повремени врнежи од дожд, особено претпладне, претежно со послаб интензитет.
Ќе дува слаб до умерен северен ветер. Во текот на ноќта локално врнежите од дожд ќе бидат поинтензивни и се очекува да наврнат над 20 литри на квадратен метар.
Утринските температури се движат во интервалот меѓу 5 и 13 Целзиусови степени, а дневните ќе достигнат од 11 на западот и до 22 степени на југот од земјата.
Во Скопје и околината ќе преовладува облачно време со куси сончеви периоди, а во попладневните часови со повремени врнежи од дожд, наместа со ретки грмежи. Температурата ќе достигне до 17 степени.
Утре и во петок облачноста ќе се намалува и ќе преовладува стабилно, претежно сончево време, но со пониски утрински температури. Нови врнежи од дожд се очекуваат за викендот, особено во недела.
