Јужноамериканските квалификации се одиграа ноќеска, а ги одбележаа поразите на гигантите Аргентина и Бразил, но и првата победа на Боливија.
Токму Боливија го означи стартот на колото пречекувајќи го Перу во главниот град Ла Пас, препознатлив по големата надморска височина. Ова беше дерби на дното со оглед на тоа што двете репрезентации во првите четири кола не запишаа победа. Боливијците дојфдоа до бодовите благодарение на головите на играчите со исто презиме - Енри Вака и Рамиро Вака.
Стадион „Ернандо Силес“, Ла Пас
Боливија - Перу 2:0
20', Енри Вака, 87' Рамиро Вака
Најнеинтересно беше во Венецуела каде домашната репрезентација одигра без голови со Еквадор. Двата тима имаа малку шанси, а гостите имаа и поништен гол уште во 5. минута кога ВАР одлучи дека стрелецот Вилиам Пачо бил во офсајд.
Стадион „Монументал де Матурин“, Матурин
Венецуела - Еквадор 0:0
Светскиот шампион Аргентина го одигра дербито наречено Класико де ла Плата против соседот и лут ривал Уригвај и тоа на стадионот на Бока Жуниорс, „Ла Бомбонера“, каде никогаш немаше загубено натпревар што не е пријателски.
Сепак, пред 57-илјадната публика Аргентина потфрли и го запиша првиот пораз по оној на воведниот натпревар на Мундијалот во Катар од Саудиска Арабија. Уригвајците поведоа во 41. минута преку Роналд Араухо, а победата ја запечати Дарвин Нуњес на три минути пред крајот.
Стадион „Алберто Хосе Армандо“, Буенос Аирес
Аргентина - Уругвај 0:2
41' Роналд Араухо, 87' Дарвин Нуњес
Бразил го запиша вториот пораз во квалификациите откако со пресврт загуби на гостувањето кај Колумбија. А, така не ветуваше почетокот. По само 4 минути игра Габриел Мартинело донесе водство за „Селесау“, водство кие Бразилците го чуваа во 15 минути пред крајот.
Тогаш на сцена стапи Лиус Диас и со два гола за пет минути се погрижи за комплетен пресврт и бодовите за останат во Колумбија.
Стадион „Роберто Мелендес“, Баранкиља
Колумбија - Бразил 2:1
75', 79' Лиус Диас
Чилеанците уште еднаш потфрлија откако ноќеска пред своја поублика не успеаја да го совладата Парагвај, иако гостите цело полувреме играа со 10 играчи. Кон крајот на натпреварот и Чиле остана со играч помалку, а на семафорот остана најнепопуларниот резултат.
Стадион „Давид Арељано“, Сантјаго де Чиле
Чиле - Парагвај 0:0
Наредното коло се игра во понеделник после полноќ, односно вторник рано утрината по македонско време, а се среќаваат:
Парагвај - Колумбија
Еквадор - Чиле
Ургвај - Боливија
Бразил - Аргентина
Перу - Венецуела