Извор близок до внатрешните операции на Xiaomi тврди дека компанијата веќе го започнала процесот на верификација на производната линија за електричниот автомобил Xiaomi SU7, што значи дека производството е во тек.
Целта на Xiaomi е да произведе 300 автомобили во текот на тековниот месец, односно декември. Сепак, овие примероци не се наменети за крајните потрошувачи, туку за салоните и некои продавници на Xiaomi низ Кина.
Исто така, целта на Xiaomi е да „испегла“ некои од проблемите кои моментално ги има во оваа фаза. Познато е дека компанијата веќе се соочила со проблеми во производствената линија и дека била потребна нова софтверска надградба за да се реши проблемот со системите на возилото.
Целта на Xiaomi е да произведува возила што нема да имаат никакви проблеми и да се фокусира на квалитетот наместо на квантитетот. Првиот електричен автомобил на компанијата треба да остави добар впечаток пред да се појават уште два модели на пазарот во следните три години.
Се планира уште еден електричен автомобил, а потоа хибрид, кој моментално е во фаза на дизајнирање.
