Скорпијата неправедно ја бие лош глас. Луѓето се плашат од неа бидејќи најчесто ја замислуваат како љубоморен, посесивен знак, но може да стане таков ако некој ја предаде или издаде.
Ако е среќна и задоволна во врската, Скорпијата е верен и доверлив партнер со кој може да изградите хармоничен живот.
Кои работи треба да ги знаете за овој хороскопски знак, ако сте во врска со Скорпија?
Исклучително се интелигентни, имаат развиена интуиција и умеат да ве прочитаат како отворена книга. Финтата со Скорпијата е што не се меша во начинот на кој живеат или работат другите, но ако се обидете да ги наместите за нешто или неправедно да ги обвините, тоа нема да ви го простат.
За нив лагата е измама и сметаат дека ја навредувате нивната интелигенција ако се обидете да ги измамите во нешто, па нема лесно да преминат преку тоа.
По природа, Скорпиите се посесивни и сакаат да му дадат до знаење на партнерот дека тој им е сѐ во животот. Не можат да ја поднесат помислата ако нивниот сакан погледне во некој друг, а да не зборуваме за нешто повеќе. Кога Скорпијата е љубоморна, целосно е обземена од тоа. Сомнежот ја јаде и во моменти на слабост може да го провери мобилниот на партнерот или да го следи на социјалните мрежи.
Сето ова може лесно да се избегне ако ѝ докажете на Скорпијата дека може да ви верува.
Си ја цени приватноста, па затоа не сака и избегнува премногу прашања. Ги смета како напад на нејзината личност и приватност. Има двојни критериуми бидејќи Скорпијата мора да знае сѐ за вас, но не кажува што таа мисли или чувствува.
За нив се смета дека се опседнати со секс, не можат да бидат задоволни ако во врската нема страст. Обично си заминуваат од таквиот однос или бараат нешто на страна. Среќна Скорпија е онаа која има возбудлив сексуален живот, па затоа потрудете се секогаш да биде сексуално задоволена.
По природа Скорпиите се интроверти, неопходно им е да минат малку време сами и во мир за да ги наполнат батериите. Сакаат долго време да минат сами со мислите или во нивните хоби активности.
Ако сте во врска или брак со Скорпија, покажете ѝ дека ја сакате и дека може да ви верува. Тие можат да бидат најдобрите партнери ако се чувствуваат сакано и безбедно со вас, но и најлоши ако почувствуваат дека не ги цените или ги занемарувате.
Со нив ништо не е половично, веројатно затоа врската со Скорпија е толку возбудлива.