Фудбалскиот клуб Работнички денеска слави 82-ри роденден кој го прослави на најубав начин, со победа над Ренова.
Деветтото коло од македонската Прва лига почна денес со натпреварот помеѓу Работнички и Ренова, додека останатите четири се играат утре. Клубот од Дебар Маало, основан на 4 октомври 1937 година, денеска едноставно не смееше да си дозволи да не победи и да го расипе роденденското славје.
Голот кој го реши победникот беше автогол на гостинскиот дефанзивец Ненад Мишковски во 58-мата минута кога по нафрлувањето на Себастијан Ерера со глава во обид да расчисти го совлада својот голман.
Работнички пропушти убава можност да ја запечати победата кога во 81-вата минута Иван Марковиќ не реализираше удар од белата точка. Неговиот шут заврши во пречката.
За „црвените“ ова е само трета победа оваа сезона, додека Ренова го претрпе четвртиот пораз.
Утре од 15 часот се среќаваат:
Борец - Струга
Македонија ЃП - Шкупи
Акјадемија Пандев - Силекс
Шкендија - Вардар
