Прототип на ракетата Starship на компанијата SpaceX успешно беше лансиран во текот на пробен лет, но експлодира при приземјувањето.
Лансирањето на најновиот прототип се изврши во Тексас и иако летот беше успешен, ракетата експлодира при обидот за слетување. Ова е втор пат по ред бидејќи и претходниот прототип SN8, лансиран во декември минатата година, имаше неуспешно слетување.
Последново тестирање е извршено во тензичен период меѓу SpaceX и Федералната администрација за авијација, која одобрува лансирање како ова. Во текот на тест лансирањето на SN8, компанијата ја прекрши лиценцата издадена од FAA. Тоа доведе до покренување истрага која ги попречи плановите за прототипот SN9 и го налути Илон Маск.
Сепак, ова последно тестирање ги задоволи сите безбедносни и федерални закони. Прототипот на ракетата беше лансиран и достигна висина од 10 километри. Потоа беа угасени три ракетни мотори, а SN9 удри на земјата под агол од 45 степени и исчезна во експлозија, исто како и SN8.
ФАА покрена истрага за експлозијата иако тестирањето е извршено без екипаж.