Премиерот Зоран Заев од името на Владата, на ракометните шампиони им врачи свечена плакета во Владата. Сопственикот на РК Вардар, рускиот тајкун Сергеј Самсоненко, на премиерот му подари еден од шампионските златни медали.
„Успехот кој го постигнавте е многукратно поголем за промоција на Македонија, од сите амбасади и економски промотори“, рече премиерот Зоран Заев пред ракометните шампиони од ракометниот клуб Вардар, кои беа на прием.
Заев, рече и дека нивниот успех ја мотивирала Владата да размислува за засилено темпо во инвестирањето во спортот и за дополнително предлагање закони кои ќе бидат во насока на подобрување на условите за спортистите.
