Женската сениорска репрезентација на Македонија со победа против репрезентацијата на Косово го заврши настапот на меѓународниот турнир што се одржа во Анталија, Турција.
Нашата репрезентација денеска во последниот натпревар од турнирот беше поуспешна од репрезентацијата на Косово со резултат 30:27, на полувреме 17:13. Најефикасна кај нашите ракометарки беше Елена Ѓеорѓијевска со 8 погодоци, по 6 постигнаа Ангела Јанкуловска и Симона Стојановска, додека кај Косоварките 12 постигна Леонора Демај.
На турнирот сениорките претходно одиграа три натпревари остварувајќи по една победа, реми и пораз.
Одигравме нерешоно со Италија на првиот натпревар, потоа остваривме убедлива победа над вториот тим на домаќинот Турција од чиј прв состав потоа загубивме.
Македонија - Италија 29:29 (13:16)
Македонија - Турција Б 37:19 (22:8)
Македонија - Турција 33:42 (22:17)
Македонија - Косово 30:27 (17:13)
Победник е репрезентацијата на Турција која ги доби сите три натпревари (не играа против Турција Б). Македонија се пласираше на второто место.
Табела:
1. Турција 6
2. Македонија 5
3. Косово 4
4. Италија 3
5. Турција Б 0
