Милан сериозно киксираше во 25. коло на домашен терен.
Едвај, во седмата минута од судиското натополнување „росонерите“ спасија бод (1:1) со пенал против Удинезе, клуб од долниот дел на табелата.
Ова е трет од четирите последни натпревари во лигата во кој Милан не успеа да победи, па затоа неговата борба за Скудетото се заменува со битка за место кое води во Лигата на шампионите следната сезона.
По натпреварот, тренерот на „росонерите“ се жалеше бидејќи му недостигаа двајца напаѓачи:
„Рафаел Леао е одличен, но денеска не беше она што ни требаше. Тој е напаѓач кој напаѓа во простор и против таков затворен противник како Удинезе нема ниту искуство, ниту потребните карактеристики за пробивање. Имавме многу удари од центар, но немаше кој да ги искористи, бидејќи ни недостасуваа Ибра и Манџо, двајца напаѓачи кои сигурно ќе знаеја како“.
Што правеа оние кои му недостигаа на тренерот на Милан додека тимот се мачеше на терен?
Поради повреди на мускулите, Марио Манџукиќ и Златан Ибрахимовиќ го гледаа натпреварот од ложата и се нервираа што соиграчите им се мачат. Фотографијата на која Манџо нервозно гестикулира, а Ибра пропаѓа во столчето, видно нервозен, стана хит на интернет.
