Со победа на гости кај Еибар кралскиот клуб повторно се израмни на врвот со градскиот ривал Атлетико.
Уште во 6. минута Карим Бензема со својот седми гол сезонава ја најави победата, а во 13-тата Лука Модриќ зголеми на 0:2.
Домаќините се вратија во игра во 28. минута преку Кике кој со прекрасен гол намали на 1:2 оставајќи го Тибо Куртоа немоќен, но потоа неговиот тим не успеа да постигне втор гол за израмнување. Еибар тешко доаѓаше до шанса, но имаше еден потенцијален пенал кога Серхио Рамос блокираше удар со рака, а ВАР оцени дека нема услови за пенал.
Наместо тоа, Лукас во втората минута од судиското надополнување ја запечати побета за Реал поставувајќи ги конечните 1:3. Ова е четврта победа во серија за „Кралевите“.
Откако во саботата лидерот Атлетико славеше со, исто така, 3:1 над Елче, Реал сега повторно се израмни по бодови на врвот, двата имаат по 29, но Реал има дури два натпревара повеќе, а и каде-каде полоша гол-разлика.