Поранешниот фудбалер смета дека „Црвените ѓаволи“ требало да го ангажираат Антонио Конте за тренер.
Италијанскиот стратег во октомври се поврзуваше со клупата на Јунатед, но клубот тогаш одлучи да го задржи Оле Гунар Солскјер, па Тотенхем го прибра Конте, иако тренерот летоска прво го одби овој клуб.
Манчестер потоа му врачи отрказ на Норвежанецот заменувајќи го со Ралф Рангник.
„Зошто не го земаа Антонио Конте кога имаа можност за тоа? Им беше потребен некој како него“, вели Џејми Реднап, долгогодишен играч од средниот ред на Ливерпул кој потоа одигра три сезони и во дресот на Тотенхем. Реднап е сега стручен коментатор во Sky Sports и колумнист во Daily Mail.
Тој имаше што да каже и за Рангник: „Ако е тука само за до крајот на сезоната, бадијала е. Како тргнал, нема да добие можност да продолжи“, алудирајќи на работата во клубот која Германецот треба да ја добие по завршувањето на договорот за водење на тимот, а кој завршува во јуни,.
„Доколку сака долгорочно да остане, ќе мора да донесе многу одлуки. Има многу играчи кои пробува да ги вклопи во тимот. Ќе мора да сработи неверојатна работа за да добие шанса да остане. Од сегашна гледна точка, тој е премногу далеку од такво нешто“, заврши тој.