Според новиот извештај на Одборот за заштита на новинари (CPJ), бројот на притворени новинари во светот достигна рекорден број во 2021 година.
Вкупно 293 новинари се притворени, додека најмалку 24 новинари се убиени поради известување. Осумнаесет починале во околности кои го отежнуваат утврдувањето дали биле цел поради нивната работа, објави CPJ во годишниот извештај за слобода на медиумите и напади на медиуми.
Иако причините за затворање новинари се разликуваат од земја до земја, рекордниот број ги одразува политичките настани низ светот и зголемената нетолеранција кон независното известување,
„Ова е шеста година по ред CPJ да документира рекорден број новинари затворени низ светот“, изјави извршниот директор Џоел Сајмон. „Бројката изразува два нераскинливи предизвици – владите се одлучни да ги контролираат информациите и да управуваат со нив, а се уште подрски во напорите тоа да го прават“, смета тој.
Кина има затворено најмногу новинари од сите земји, вкупно 50 новинари се во притвор. Потоа следат Мјанмар (26), Египет (25), Виетнам (23) и Белорусија (19).
Мексико останува најсмртоносна земја за новинари.
