Не е првпат да слушаме приказни за автономни роботи за полнење.
Volkswagen всушност го откри својот став кон овие дроиди пред околу една година и сега објави нови детали кои поживописно ни опишуваат како ќе изгледа футуристичкото полнење на електрчните автомобили.
Роботот за полнење на VW ќе има задача да понуди целосно автономно полнење на електрични автомобили на ограничени паркинзи и подземни гаражи.
Роботот ќе може да се напојува преку апликацијата или преку комуникацијата Car-to-X и ќе се насочува кон возилото независно. Целиот процес се одвива целосно без човечка интервенција.
За полнење на повеќе возила во исто време, роботот ќе поврзе мобилна единица за складирање на енергија со возилото, повторувајќи ја оваа постапка неколку пати. Кога полнењето ќе биде завршено, тој самостојно ќе ја собере мобилната единица за складирање на енергија и ќе ја насочи назад до централната станица за полнење.
VW не соопшти кога овие роботи ќе бидат достапни и подготвени да напојуваат возила, но компанијата тврди дека тоа ќе се случи наскоро.
