Португалската суперѕвезда Кристијано Роналдо долги години ги прославува своите голови со специфична прослава на гол, која вклучуваше извикување „Сиуу“.
Роналдо беше светски познат освен по своите голгетерски способности и по споменатата прослава на голот, која сега реши да ја промени.
На натпреварот од осминафиналето на Лигата на шампионите на АФЦ против Ал Феиха од Саудиска Арабија, Ал Наср победи со резултат 1:0, а единствениот гол на натпреварот го постигна Кристијано Роналдо, кому ова му беше 1.000-ти по ред професионален клупски натпревар во кариерата.
Тој одигра маестрално двојно додавање со Марцело Брозовиќ и потоа рутински успеа да го совлада српскиот голман Владимир Стојковиќ.
По споменатиот гол, следуваше нов начин на прославување на головите на легендарниот португалски фудбалер.
Роналдо постигна 24 гола за Ал Наср на 25 натпревари оваа сезона, а додаде и 11 асистенции на својот голгетерски учинок.