Манчестер Јунајтед не го освојува трофеи, а нема ни сезонава, што значи дека Кристијано Роналдо нема да ги добие договорените бонуси кои требаше да му донесат дополнителни пет милиони фунти.
Клубот од Олд Трафорд ја игра петтата последователна сезона без титула, а тоа е лоша вест и за португалскиот ас, потсетуваат англиските медиуми.
Откако мораше да се согласи на намалувањето на платата што го имаше во Јувентус за да дојде во Манчестер Јунајтед, Роналдо трпи и финансиска штета поради резултатите што ги постигнува неговиот тим. Кога сето тоа ќе се собере, тоа е вистинско богатство на кое се надеваше и нема да го добие.
Најголемата сума што нема да оди кај него е 2,5 милиони фунти, колку што се договорил Јунајтед да игра во финалето на Лигата на шампионите, а дополнителни 1,5 милиони фунти ќе му донесеше освојување на титулата во Англија. Остатокот се однесува на бонусите што можел да ги заработи на куповите.
Роналдо оваа сезона одигра 33 натпревари за Јунајтед и постигна 18 гола.
