Поранешниот бразилски фудбалски репрезентативец Роналдо обелодени дека тренерот на Манчестер Сити, Пеп Гвардиола, бил начелно заинтересиран да стане бразилски селектор.
Бразил остана без селектор откако Тите поднесе оставка по елиминацијата во четвртфиналето на Светското првенство во Катар.
– Разговарав со Гвардиола и неговиот стручен штаб, но тој одлучи да го продолжи договорот со Манчестер Сити. На Фудбалската конфедерација на Бразил ќе ѝ беше тешко да постигне договор со Гвардиола бидејќи тој е најплатен тренер во светот, рече Роналдо на својот канал на YouTube.
Според Роналдо, најголеми шанси да ја преземе репрезентацијата на Бразил има Фернандс Динис (48), кој во моментов е тренер на Флуминенси, а во кариерата ги предводеше и Васку џи Гама, Сантус, Саун Паулу и Атлечику Паранаенси.
Други имиња кои се споменуваат се оние на Аргентинецот Хорхе Сампаоли, Португалците Жорже Жезуш и Абел Ферејру, како и Бразилците Доривал Жуниор, Ренату Гаушу и Кука.
