Португалскиот фудбалер Кристијано Роналдо се сомнева во кредибилитетот на Златната топка и наградата на ФИФА.
Актуелен сопственик на двете од овие престижни награди е неговиот најголем ривал Лионел Меси со кого на големата сцена се бореше речиси две децении.
И двајцата полека излегуваат од сцената, Роналдо игра за Ал Наср, додека Меси е член на Интер Мајами.
„Златната топка и наградата на ФИФА го загубија кредибилитетот“, изјави Роналдо за „Рекорд“ и додаде: „Не ги гледав церемониите. Не значи дека Меси не го заслужи тоа. Или Холанд, па дури и Мбапе. Едноставно повеќе не верувам во награди. Фактите, бројките се таму и бројките не лажат. Ова мене никој не може да ми го одземе“.
Да потсетиме, Меси 8 пати ја освои Златната топка наспроти петте на Роналдо, додека Меси 3 пати ја доби наградата на ФИФА, а има една повеќе од Португалецот.
