Роналдо убедливо најдобар стрелец на УЕФА во XXI век

Кристијано Роналдо и натаму убедливо води на листата на стрелци на европските голгетери, со 261 гол пред Роберт Левандовски.

Така изгледа врвот на оваа листа, на која се рангирани само играчите од европските земји-членки на УЕФА. Земени се предвид головите постигнати во лигите, куповите, меѓународните натпреварувања и репрезентавните во периодот од 1 јануари 2001 до 31 декември 2023 година, односно само за овој век.

Статистиката ја објави ИФФХС, односно Меѓународната федерација за фудбалска историја и статистика.

Во оваа статистика не влегуваат играчите од другите континенти, без разлика што настапувале во Европа.

Некои од играчите сѐ уште се активни и јасно е дека ќе го зголемат своето конто.

Топ 20 најдобри стрелци на УЕФА за XXI век:

1. Кристијано Роналдо (Португалија) - 873
2. Роберт Левандовски (Полска) - 612
3. Златан Ибрахимовиќ (Шведска) - 558
4. Карим Бензема (Франција) - 472
5. Един Џеко (Босна и Херцеговина) - 410
6. Еран Захави (Израел) - 394
7. Давид Виља (Шпанија) - 385
8. Клас-Јан Хунтелар (Холандија) - 382
9. Ромелу Лукаку (Белгија) - 376
10. Хари Кејн (Англија) - 369
11. Вејн Руни (Англија) - 360
12. Дејан Дамјановиќ (Црна Гора) - 358
13. Бафетимби Гомис (Франција) - 350
14. Роби Кин (Ирска) - 342
15. Андре-Пјер Жињак (Франција) - 337
16. Тјери Анри (Франција) - 332
17. Немања Николич (Унгарија) - 328
18. Робин ван Перси (Холандија) - 322
19. Маркус Бериј (Шведска) - 322
20. Рис Грифитс (Велс) - 320

Во овие топ 20 годинава дефинитивно ќе влезе Килјан Мбапе (Франција) со оглед на тоа што има 306 гола.