Возачот на Мерцедес, Нико Розберг, ја освои пол позицијата во пресрет на трката за Големата награда на Русија, која утре ќе се вози во Сочи.
Розберг до пол позицијата во Сочи стигна со најбрзиот круг 1:35.417 минути, што е негова 24-та пол позиција во кариерата. Актуелниот шампион Луис Хамилтон ќе стартува од десеттото место поради проблемите кои ги имаше со моторот. Хамилтон, кој во втората квалификациска сесија беше втор, во третата не излезе на патеката поради механички проблеми, слични какви што имаше и на трката во Кина пред две недели.
Веднаш до Розберг трката ќе ја започне Валтери Ботас на Вилијамс, иако второ најдобро време оствари Себастијан Фетел. Возачот на Ферари доби казна поради тоа што го промени менувачот, па ќе стартува како осми.
Трет на стартот е Кими Раиконен, а до него е Фелипе Маса, а потоа следуваат Даниел Рикардо и Серхио Перез.