Претходно, во соопштение за нападот, Русите објавија дека се приведени 8 лица од кои 5 државјани н Русија и три државјани на Украина и Ерменија.
На социјалните мрежи ФСБ објави фотографии од осомничените и видео во кое наводно се прикажува како се подготвувале на нападот. Утврдено е дека организатор на терористичкиот напад на Кримскиот мост е главната разузнавачка служба на украинското Министерство за одбрана, неговиот шеф Кирил Буданов, вработените и агентите.
Експлозивната направа била камуфлирана во ролни на полиетиленска фолија на 22 палети со вкупна тежина над 22 тони. Од пристаништето во Одеса била испратена во бугарскиот град Русе кон почетокот на август. Во превозот на товарот учествувале државјани на Украина, Грузија и еден државјанин на Ерменија.
ФСБ тврди дека експлозивот што доведе до уривање на дел од мостот е испратен од Одеса преку Бугарија, Грузија и Ерменија.
Пристигна и реакција од Украина, а за руската истрага велат дека е бесмислена.
„Целата активност на ФСБ и Истражниот комитет е бесмислица“, вели Андриј Јусов, портпарол на украинската разузнавачка служба.