Руска ракета соборена од украинскиот ПВО систем падна во Молдавија, пренесоа медиумите повикувајќи се на Министерството за внатрешни работи на Молдавија.
Ракетата паднала утрово во северниот дел на градот Навслач во Република Молдавија, а кој се наоѓа на границата со Украина. Засега нема повредени, но неколку домови се оштетени.
Украинските власти известија дека утринава е извршен напад со дрон на браната Днестар на украинска територија, а која се наоѓа на километар од браната во Навслач. Браната не е оштетена од рускиот напад, но загрозени биле електричните компоненти поврзани со неа.
Според Украинците, засега не постои опасност од поплава.
Силите на Министерството за внатрешни работи на Молдавија го опколија подрачјето каде падна ракетата за да се избегне потенцијална опасност и за да се спроведе истрага, пренесе порталот Тимпул.мд.
