Авионот Су-25 се урнал близу градот Јејск на бреговите на Азовското Море, потврдија локалните власти.
Руски Су-25 воен авион денеска се урна во Азоивското Море, соопштија локалните власти. Пилотот успеал безбедно да се катапултира и бил потоа пронајден и спасен од спасувачките екипи. Неговата здравствена состојба во моментов е непозната.
„Околу 15 часот, добиена е информација дека авион Су-25 се урнал во близина на брегот“, се вели во соопштението објавено од оперативниот штаб при Краснодарскиот крај на Telegram.
Снимките што кружат на интернет го прикажуваат авионот како се урива во морето близу брегот, додека луѓе го гледаат необичниот настан од плажите.
Авионот се чини како полека да губи висина, очигледно претрпел некаков проблем со моторот, со тоа што пилотот се катапултирал неколку моменти пред леталото да удри во водата.
