Мохамед Салах го доби тоа што го сакаше, реприза на финалето од Лигата на шампионите во 2018 година против Реал Мадрид.
По победата на Ливерпул против Виљареал (3:2), Салах изјави дека би сакал повторно да игра против Реал Мадрид во големото финале на фудбалската сезона, а сега му се исполни желбата откако „Кралевите“ синоќа го исфрлија Манчестер Сити победувајќи го со 3:1 по продолженија, или вкупно 6:5.
„Имаме некои сметки за расчистување“, напиша напаѓачот на Ливерпул на социјалните мрежи.
Салах секако мисли на финалето од Лигата на шампионите во 2018 година, кое Реал го доби со 3:1, а притоа во 30. минута од натпреварот Салах мораше да ја напушти играта, во солзи, откако беше повреден од сега веќе поранешниот одбранбен играч на „Кралевите“. Серхио Рамос.