Египетскиот фудбалер Мохамед Салах синоќа повторно предизвика бројни реакции откако објави празнична семејна фотографија на својот Instagram профил.
На фотографијата Салах е во друштво на сопругата Маги и двете ќерки (Мака и Кајан), а зад насмеаното семејство стои накитена елка.
Египќанецот ја искористи приликата да го честита најрадосниот христијански празник Божиќ со објавената фотографија.
„Среќен Божиќ“, порача Салах и како и претходните години предизвика лавина коментари на социјалните мрежи.
Покрај оние кои му се заблагодарија на напаѓачот на Ливерпул за честитката и оние кои го пофалија насмеаното семејство, голем број од нив го критикуваа со оглед на тоа дека овој чин не им одговара на муслиманите.
Салах нема да има многу шанси да чита коментари бидејќи има клупски обврски.
Веќе утре Ливерпул ќе одигра нов натпревар во Премиер лигата, на гостински терен против Астон Вила.