Салма Хајек со следбениците на Instagram сподели фотографии од одмор каде позира без шминка и во дводелен костим за капење, по којзнае кој пат изненадувајќи со својот изглед што им пркоси на годините.
Мексиканско-американската актерка објави неколку фотографии на кои позира во жолто бикини, а на обожавателите им рече дека благодарение на одморот се чувствува „преродено“.
„Секогаш кога сакам да се чувствувам преродено, скокам во океанот“, напиша таа во објавата.
Нејзиниот неверојатен изглед на 56 години продолжува да ја воодушевува јавноста, поради што доби голем број комплименти, а американската продуцентка Хедер Пари заклучи дека ова издание е достојно за насловната страница на магазинот Sports Illustrated.
Хајек претходно ја откри тајната состојка одговорна за нејзиниот младешки изглед во шестата деценија.
„Kористам екстракт од кората на дрвото tepezcohuite, кое во Мексико се користи за лекување на изгореници бидејќи целосно ја обновува кожата. Во САД никој не го користи“, изјави таа за магазинот Elle. Таа додала дека го донела во лабораторија во Америка и дека истражувачите биле изненадени од позитивните резултати.
„Се запрашаа како е можно никој да не го користи. Благодарение на овој екстракт, немам потреба од ботокс или филери", рече тогаш Хајек.