Тренерот на Јувентус, Маурицио Сари, би можел да влезе во историјата во Серија А со освојување на титулата, што се чини повеќе од сигурно.
Италијанскиот стручњак ќе стане најстариот ментор што го освоил Скудетото. Сари во моментов има 61 година и шест месеци.
Има многу рекорди кои ќе бидат срушени доколку „Бјанконерите“ ја совладаат Сампдорија и ја освојат својата деветта последователна титула во Италија.
Целата кариера на Маурицио Сари досега го доведе до само еден голем трофеј – Лига Европа со Челси.
Претходниот рекорд за најстариот тренер кој го освоил Скудетото беше Нилс Лидхолм во 1983 година, кога Швеѓанецот ја одведе Рома до титулата на 60 години и седум месеци.
Сепак, ова беше втора титула на легендата на Милан, откако тој ги доведе „Росонерите“ до Скудетото во 1979 година, додека сега Сари ќе дебитира на врвот.
Во 1991 година, Вујдин Бошков имаше 60 години кога ја освои титулата со Сампдорија.
