Фудбал
КОПА ИТАЛИЈА 2019/20

Сари: Рома може да ни направи проблеми

22. јануари 2020 - 16:32 | Ф.З.

Јувентус вечерва ја пречекува Рома во четвртфиналето од италијанскиот куп, се игра еден натпревар, а и покрај тоа што Јуве е голем фаворит сепак Рома не смее однапред да се отпише.

По само десетина дена нов судир на Јуве и Рома. Предминатиот викенд Јувентус славеше победа од 1:2 на „Олимпико“ иако не ја надигра Рома. Дури римјаните имаа и повеќе од играта, а створија и тројно повеќе шанси, но бодовите сепак заминаа за Торино.

Сега натпреварот се игра на „Алијанц“ во Торино и е решавачки за пласман во полуфиналето. Тренерот Маурицио Сари е претпазлив, секако не би сакал да му се случи несакана елиминација и тоа пред својата публика.

„Рома игра одлично на гости, собра повеќе бодови отколку дома и постигна еднаков број на голови. Тоа е силен тим со особини кои можат и тоа како да ни направат проблеми. Токму поради тоа нормално е да имаме периоди во кои ќе бидеме во подредена улога“, рече Сари.

Јувентус и Рома се соочуваат вечерва од 20.45 часот. Победникот во полуфиналето ќе игра против подобриот од дуелот на Милан и Торино кој се игра наредната недела.

Коментирај