Иако првичната прогноза беше дека ќе биде фит за натпреварот од последното коло, сепак Милан доби лоши вести за својот ветеран.
Сезоната во Серија А за Златан Ибрахимовиќ е завршена. Иако тренерот Стефано Пиоли најави дека Ибра ќе ги пропушти наредните два натпревара со Торино вечер и в недела со Каљари, сепак нема да игра ниту на оној од последното коло кој може да биде и клучен за конечниот пласман бидејќи Милан игра со директниот конкурент за место во Лигата на пампионите, Аталанта.
Новите проценки на повредата на Ибра велат дека тој ќе мора да мирува четири недели, што значи дека дефинитивно за него сезоната во Серија А е завршена.
Сега на маки ќе биде и шведскиот селектор Јане Андерсон кој до последен момент нема да знае дали Ибра ќе може да игра. Доколку прогнозите се точни, Ибра со четири недели мирување би се вратил на време за ЕУРО, но потоа би требал да работи на неговата форма, што секако ги компликува работите.
Шведска на ЕУРО е во групата Е заедно со Шпанија, Словачка и Полска. Првиот натпревар е против Шпанија на 14 јуни. Ибра ќе ги пропушти и двете пријателски пред првенството кои Шведска ќе ги игра на домашен терен со Финска и Ерменија.
