Иако „Squid Game“ веќе неколку недели по ред беше главна тема во медиумите и на социјалните мрежи, кратко време ја задржа титулата најгледана серија на Netflix. Само неколку часа по премиерата на третата сезона на серијата „You“, јужнокорејскиот хит падна на второто место.
Третата сезона на популарната серија „You“ премиерно беше претставена на 15 октомври и за многу кратко време се искачи на врвот на најпопуларните серии на оваа платформа, пишува Business Insider.
Во психолошкиот трилер „You“ се зборува за убиецот Џои Голдберг и неговата девојка Лав Квин. Пред крајот на втората сезона гледачите дознаа дека Лав е бремена, а парот во третата сезона се сели во мало предградие за да се посвети на семејството и да го заборави мрачното минато.
Првата сезона излезе во 2018 година, а втората во 2020 година. Netflix eден ден претходно најави дека се подготвува сценарио за 4. сезона што ги израдува обожавателите ширум светот.