Продуцентот на „Pirates of the Caribbean“, Џери Брукхајмер, планира да ја рестартира популарната франшиза, но не планира враќање на Џони Деп.
Како што пренесуваат странските медиуми, продуцентот Брукхајмер во интервју изјавил дека нема да се потпира на враќањето на Деп. Откри дека е полесно да се најдат нови луѓе отколку да се чекаат одредени актери.
Брукхајмер претходно изјави дека Деп нема да има поддршка да се врати за шестиот дел од филмот.
По петтиот дел „Dead Men Tell No Tales“ од 2017 година, Деп беше вмешан во контроверзно судење за клевета со поранешната сопруга и актерка, Амбер Херд. Судењето во 2022 година беше голема медиумска приказна, бидејќи Деп успешно го доби случајот против Херд за објавување извештај во The Washington Post во кој се тврди дека сексуално ја злоставувал.
И покрај тоа што победи на судењето во САД, Деп загуби слична тужба за клевета против Амбер Херд во Обединетото Кралство. Поради ова остана во лош глас, па на големо се зборуваше дали треба да остане дел од франшизата.
Интересно е што неодамна се појавија гласини дека Деп во филмот ќе го замени младата актерка и комичарка Ајо Едебири, а потоа се појавија нови гласини дека продукцијата на Disney сакала да ја продолжи соработката со познатиот актер, но и тогаш не стана збор за главната улога.
