Пакувањето за викенд и не треба да биде некоја научна фантастика. Нe дека ви требаат само пешкир, пари и долна облека, но ако одите некаде на два-три дена не треба да го преселите целиот гардеробер.
Содржината на куферот треба да биде дефинирана од целта на вашето патување, а не од тоа што вие мислите дека ќе ви притреба.
Смирете сe и без паника. Најубаво е сѐ што ќе спакувате да го заштитите со зип кесички па, така, ако е парфем или крема нема да ви ги уништи алиштата и чевлите. Не е лошо да земете две парчиња модни додатоци како часовник и прстен или обетки.
Никаде не се оди без паста, четка за заби и пешкир за лице. За да не го претрупате куферот, носете ја истата облека на одење и на враќање, а за време на викендот имајте две-три мајци кои одговараат со истото здолниште или панталони.
Долната облека е секако задолжителна и вообичаено се пакува бројка која е за еден поголема од деновите на вашиот престој. Убав викенд!
