Сте одлучиле да бидете физички поактивни, па тешко е да знаете од каде да започнете.
Затоа Арнолд Шварценегер доаѓа на помош. Бодибилдерската легенда ги изненади корисниците на Reddit кога се појави на форумот „Прашај ме што било“. Таму одговараше на прашањата на обожавателите за неговиот дневен распоред за вежбање, за неговиот омилен рецепт за протеински шејк и за придобивките од вежбањето во јавна теретана.
Седумкратниот победник на натпреварот Мистер Олимпија одговараше на прашања пет часа и сподели пет фитнес совети за почетници.
Започнете со мали нешта
„Мојот совет до почетниците е едноставен: почнете. И потоа не застанувајте додека не ви стане рутина. Тој прв чекор е најтежок“, напиша тој.
Советува да почнете со 30-минутни прошетки. Тој ги советува оние кои веќе пешачат да додадат склекови и чучњеви во својата рутина. За почеток, направете пет склекови и пет чучњеви (сквотови). Тогаш нека бидат четири склекови и четири сквотови.
„Одморете се ако треба. Продолжете со три склека и три сквота, потоа два и два и на крајот еден и еден. На тој начин ќе направите 15 склекови и 15 сквотови во еден ден", предложи тој и забележа: „Ако тоа ви е лесно, следниот пат почнете од 10“.
Зачувајте го моментумот
Ѕвездата на „Терминатор“ верува дека мотивацијата е минлива, додека рутината е она што нè одржува. Затоа тој предлага по 10 минути вежбање секој ден во текот на еден месец, по што времето треба да се зголеми на 15 минути за следниот месец.
„Вежбањето мора да стане рутина.“
Запишете ја секоја вежба
Еден форумџија праша Шварценегер дали е корисно да се следи напредокот за време на вежбањето и како го прави тоа.
„Го надгледувам секој мој тренинг. Го означувам бројот на повторувања на таблата во теретана“, призна актерот.
Избегнувајте да го користите телефонот во теретана
Шварценегер е поборник за забрана на користење на мобилни телефони за време на вежбање. Всушност, едно истражување покажа дека користењето телефон пред вежбање може да ја намали силата за речиси 30 проценти.
Не заборавајте на протеините
За оние кои штотуку започнале со фитнес, Шварценегер препорачал внесување на протеини во исхраната, особено за оние кои се обидуваат да набијат мускули.
„Фокусирајте се на едноставните работи. Јадете протеини со секој оброк. Пробајте го тоа еден месец. Секогаш кога ставате храна во уста, погрижете се да има извор на протеини во неа“, додал тој.
Омилена храна за одржување на мускулната маса му се омлетите или матените јајца со зеленчук. За појадок ужива и во јогурт со гранола, а како ужина избира бадеми или протеински шејк.
„За вечера само супа од зеленчук“, тврди тој.
Што се однесува до неговиот омилен рецепт за протеински шејк, Шварценегер избира протеински прав, банана, бадемово млеко, малку сок од цреша и неколку капки ракија.