Иако Шведска тргна на посебен пат за време на пандемијата на коронавирус во споредба со многу земји кои воведоа построги мерки за борба против вирусот, некои од ограничувањата што Шведска ги воведе сега се олеснуваат.
Од денеска, меѓу другото, дозволено е повеќе од осум лица да се соберат на едно место.
Во затворени простории со фиксни седишта, како што се кината, сега може да бидат присутни 50 лица, додека на настаните на отворено, како што се фудбалски натпревари на стадион, сега може да учествуваат до 500 луѓе, а на трки и други натпреварувања на отворено може да учествуваат 150 учесници.
Покрај тоа, сега на рестораните им е дозволено да работат два часа подолго од порано, до 22:30 часот. Сепак, е дозволено е само четири лица да седат на иста маса.
Ова се првите чекори на планот во пет чекори со кој шведската влада сака да ги олесни мерките за коронавирус во текот на летото.
Податоците за инциденцата на инфекција со коронавирус уште се доста високи во споредба со поголемиот дел од Европа. Но, ситуацијата со инфекцијата се развива во добра насока, рече минатата недела премиерот Стефан Лофвен.
Ако развојот на настаните е добар, следното олеснување на мерките ќе биде на 1 јули.
