Во првото пролетно коло од Првата македонска фудбалска лига на сите натпревари беше постигнат барем по еден гол, некаде имаше и голеада, а паднаа и неколку навистина убави голови.
Вкупно 17 голови беа постигнати на 6 натпревари, што е речиси 3 голови по натпревар или точно 2,833 во просек.
Најмногу голови паднаа во Тетово на натпреварот помеѓу Ренова и Брегалница, вкупно 6 (2:4 резултат), додека само еден имаше во Струмица и Велес на натпреварите Академија Пандев - Работнички и Борец - Шкупи.
Ако некој нѐ праша нас, би рекле дека топ 3 голови за ова коло се следниве: на Љупчо Дориев голот за 2:1 за Шкендија во Кратово, на Филип Петковски голот за 1:0 на Дербито на Македонија и на Иван Ивановски голот за водство на Силекс од 1:0 против Шкендија.
Кој е вашиот фаворит?
