Ако вашиот партнер инсистира секогаш да знае каде сте, ако се лути кога не му се јавувате кога ќе ве побара на телефон, тоа може да биде сигнал дека станува збор за опсесивна карактеристика на личноста.
Уште ако на сето ова ви ги проверува и профилите на социјалните мрежи и сака да ве контролира, значи дека нешто не е во ред. На почетокот на секоја врска, гледаме низ розови очила и не можеме да согледаме каков навистина е партнерот пред нас. Тешко е да ги забележиме знаците кои предупредуваат дека со таа личност нешто не е во ред.
Но, овие знаци откриваат дека не станува збор за вистинска љубов:
Постојано сака да знае каде сте
Нормално е партнерот да ве праша каде сте, со цел да ви ги дознае плановите и што правите. Но, ако се однесува како уред за следење тоа сигнализира за личност со опсесивна карактеристика.
Контролата и опсесијата се далеку од романтична појава.
Ви се јавува и ви пишува по цел ден
Секоја врска бара комуникација, така партнерите подобро се запознаваат. Нормално е на почетокот од врската да не може да се заситите еден од друг. Сепак, ако партнерот се налути ако не се јавите веднаш откако ќе ве повика или постојано ви ѕвони се додека не одговорите, тоа е црвен аларм.
Знајте дека станува збор за манипулативно однесување.
Ве притиска да разговарате за работи за кои не сакате
Секој има свои граници кога станува збор за споделување работи со другите. но, ако некој инсистира и скоро ве присилува или условува да кажете нешто, тоа е проблематично однесување.
Ова е еден чекор поблиску до емоционално малтретирање. Тоа е исклучително токсично и неромантично однесување и секако, знак на непочитување.
