Двејн Џонсон оваа година не е прв на листата најплатени славни личности, според спонзорираните објави на Instagram.
Меѓу 20 славни и влијателни личности со најголема заработка по објава на Instagram пост, на првото место во 2021 година е Кристијано Роналдо. За една спонзорирана објава заработува 1.604.000 долари.
На второто место е Двејн Џонсон со заработка од 1.523.000 долари.
На третото место е пејачката Аријана Гранде која за спонзорирана објава наплаќа 1.510.000 долари.
На четвртото место е Кајли Џенер со заработка од 1.494.000 долари. По неа следи пејачката Селена Гомес која заработува 1.468.000 долари по објава. На шестото место е Ким Кардашијан со заработка од 1.419.000 долари по објава.
На седмото место е Лео Меси со заработка од 1.169.000 долари, а по него е Бијонсе со 1.147.000 долари. Веднаш зад неа се Џастин Бибер со 1.112.000 долари и Кендал Џенер која заработува 1.053.000 долари.
Меѓу останатите десет кои најмногу заработуваат на Instagram се Тејлор Свифт, Џенифер Лопес, Клои Кардашијан, Мајли Сајруд, Нејмар, Кортни Кардашијан, Кевин Харт, Вират Кохли и Деми Ловато.
