Калчолигата си постави цел во претстојната сезона пожестоко да се бори против задржувањето на времето, со тоа што во минутите што судиите ги додаваат како надополнување ќе се рачуна и времето изгубено и во прославувањето на головите.
Темата наречена „Ефективно време на играње“ се популаризира минатата сезона на Мундијалот во Катар, каде судиите доделуваа и по 10 минути надополнување за време на натпреварите.
Иако на почетокот мислењата беа поделени, правилото почна да добива популарност како што Мундијалот влегуваше во подоцнежните фази, а месеци по неговото завршување многу навивачи побараа слични правила да се воведат и во нивните лиги ширум Европа.
La Gazzetta dello Sport пишува дека УЕФА и ФИГЦ ќе се обидат да го зголемат количеството на активна игра преку посветување поголемо внимание на различни аспекти од натпреварите.
Работи што ќе придонесат за подолго надополнето време вклучуваат прослава на голови, изведување гол-аут, измени и подготвување слободни удари.
Од сезоната 2018/2019 Серија А има просечно време на активна игра од 61,35 минути по натпревар. Иако делува слабо, сепак споредено со останатите топ 5 европски лиги, Калчото всушност има највисок просек. На пример, англиската Премиер лига има просечно време на активна игра од 60,59 минути.
