Кога станува збор за губењето килограми, најважно е да сте во калориски дефицит, а потоа физичката активност е дефинитивно следниот чекор. Но, она што е исто така важно е работата на вашиот метаболизам, кој зависи од тоа каква храна консумирате.
Затоа, не е лошо да ги знаете намирниците кои можат да го поттикнат вашиот метаболизам и на тој начин да ви помогнат да ослабете. Голема улога во работата на метаболизмот имаат и пијалаците кои ги консумираме. Така, освен вода, црно кафе и зелен чај, можно е да се најдат и разни рецепти за слабеење.
Еден од таквите пијалаци е оној од магдонос и лимон. Магдоносот е познат како лековита храна која помага во исфрлање на штетните материи од организмот и намалување на надуеноста. Она што луѓето го забележале додека го консумирале чајот од магдонос е дека тој поттикнува зголемено мокрење, што е добро за исфрлање на вишокот течности од телото.
Рецептот за овој чај е многу едноставен. Во тенџере ставете еден литар вода и оставете да зоврие. Кога водата ќе зоврие додадете шест лажици сечкан магдонос. Оставете го да се вари околу 5 минути. Кога е готов, оставете го чајот да се излади и додадете му два исцедени лимони, за подобар вкус.
Овој напиток најмногу помага во губењето на масните наслаги во пределот на стомакот, а се препорачува да го пиете наутро пред појадок. Исто така, потребно е да се пие пет дена, а потоа да се направи пауза од неколку дена.
