Колумбиската актерка Софија Вергара (50) ги воодушеви своите следбеници со фотографија покрај базен.
Заводливата актерка позираше покрај базен во оскуден костим за капење и фотографијата ја сподели на својот Instagram.
„Летото е создадено за мене“, напиша Вергара покажувајќи ги своите облини.
Актерката очигледно ужива во летото, како што навела во описот на фотографијата, а од приложената фотографија може да се види дека ужива и во сончањето. На фотографијата огнената Колумбијка позира лежејќи покрај базен облечена во црни бикини.
Провокативните изданија не ѝ се непознати на актерката, а многумина се воодушевени од нејзиниот младешки изглед на 50-годишна возраст.
Инаку, Вергара е позната по улогата на Глорија Причет од серијата Modern Family, а сега е и во жирито на шоуто America's Got Talent. Исто така, актерката долго време го држеше првото место на листата на најплатени холивудски актерки, но од април 2023 година веќе не е така.