Колумбиската актерка Софија Вергара на својот Instagram профил објави фотографија од почетокот на кариерата на која позира во бикини за календар.
Кога оваа фотографија ќе се спореди со нејзиниот изглед денес, очигледно е дека таа е една од ретките познати личности кои во меѓувреме не се одлучиле за естетска хирургија. Следеа пофалби во коментарите.
„Виното е љубоморно на твоето стареење“, „Најубавата жена на планетата“, „Сè уште го имам овој календар“, „Сега си уште поубава“, се дел од реакциите.
Иако не отиде „под нож“, Софија во едно интервју напомена дека нема ништо против естетската хирургија. Таа за Women's Health изјави дека воопшто не се плаши од стареење.
„Никој не може да биде совршен. Нема потреба да се вознемирувате поради тој факт, само треба да го прифатите. Се менувам. Свесна сум дека тоа се случува“, рекла таа.
Ја одржува формата со одење во теретана. Понекогаш претерува со јадењето нездрава храна, но се труди тоа да не ѝ стане навика.
„Веќе не сум во моите 20-ти и знам дека вежбањето е важно и прави чуда. Ова најдобро се гледа кај мажите и жените кои вежбаат. Работите почнуваат да се менуваат и единственото нешто што можам да направам е да одам и да вежбам“, порача Вергара.