Оле Гунар Солскјер изјави дека Пол Погба е поподготвен од порано и ека игра сѐ подобро и подобро откако беше клучен играч во победата на Манчестер Јунајтед над Астон Вила (2:1).
Погба ја доби наградата за играч на натпреварот во победата над Астон Вила, што му помогна на Јунајтед да се израмни со првопласираниот Ливерпул кој има подобра гол-разлика.
Францускиот играч за врска учествуваше во акцијата при првиот гол на Јунајтед постигнат од Антони Марсјал, а потоа се избори за пенал од кој Бруну Фернандеш го постигна победничкиот гол.
„Погба е сѐ поподготвен и посилен, а така следуваат и настапи како овој. Му требаа можеби 25 минути да се придвижи, но откако тргна, направи разлика. Среќни сме за неговиот придонес. Важно е Пол да ја има топката каде и да се наоѓа, ниско на теренот или високо меѓу линиите. Неговото физичко присуство е важно за нас, бидејќи знаевме дека за противник имавме тим што е меѓу најсилните во лигата. Ни требаа играчи кои може да им се спротивстават, а Пол покажа сила и способност. Јас бев воодушевен од неговиот настап“, рече Солскјер.