Фудбалерот на Тотенхем вели дека не сака да оди во Саудиска Арабија, туку да остане во клубот од северниот дел на Лондон.
„Имам многу работи што треба да ги направам во Премиер лигата. Мене парите сега ништо не ми значат, важна ми е гордоста дека играм фудбал, дека играм во најомилената лига. Сакам уште да играм за Тотенхем во Премиер лигата. Добро ќе се подготвам кога ќе се вратам“, рече Сон Хјон-мин, пренесува Sky.
Ал Итихад е заинтересиран за јужнокорејскиот репрезентативец, но Тотенхем не сака да го продаде. Неговата моментална цена, според Transfermarkt, е 50 милиони евра.
Овој саудиски клуб веќе направи два одлични трансфери, откако прво како слободен играч го потпиша голгетерот на Реал Мадрид, Карим Бензема, а потоа од редовите на Челси, исто како слободен агент, го зеде Н'Голо Кантé.
Изминатава сезона 30-годишниот Сон за Тотенхем одигра 47 натпревари и постигна 14 голови, а направи и 6 асистенции.
Во Лондон е од летото 2015 година кога за 30 милиони евра дојде од Баерн Леверкузен.