Компанијата Sony досега продаде 13,4 милиони примероци од конзолата PlayStation 5.
Sony во вториот квартал продаде 3,3 милиони конзоли, додека во првиот испорача 2,2 милиони, а вкупниот број на конзоли продадени од пристигнувањето на пазарот изнесува повеќе од 13,4 милиони единици, потврдија од Sony.
Продажбата на видеоигри исто така е зголемена значително па во вториот квартал се продадени 76,4 милиони копии во споредба со 63,6 милиони во претходниот квартал.
Забележан е раст од 27 проценти кога станува збор за приходот од гејминг кој изнесува 5,68 милијарди долари. Оперативниот приход од 728 милиони долари е помал во однос на претходниот квартал и тоа за 29 милиони долари. Фискалната година на Sony завршува на 31 март 2022 година.
