Кремаста салата со компири и кисела павлака како одличен додаток за јадења со риба или од месо.
Потребни состојки:
-500 г компир
-5 јајца
-5 кисели краставички
-180 мл кисела павлака
-сок од еден лимон
-сол, бибер
Начин на подготовка:
Сварете го компирот, па излупете го и исечете на коцки. Јајцата сварете ги и одвојте ги белките од жолчките.
Во садот со варени компири додадете ги белките и киселите краставички, исечени на коцки. Измешајте ги павлаката, жолчките, сокот од лимон, солта и биберот, па додадете ја смесата на компирите.
Добро измешајте и сервирајте.
