SpaceX успешно лансираше комуникациски сателит во орбитата на Земјата. Сателитот на EchoStar ќе обезбедува разни телекомуникациски услуги во областа околу Бразил.
Лансирањето е изведено утрово со помош на ракетата Falcon 9, а првично закажаното лансирање за вчера беше откажано поради силниот ветер.
Бидејќи сателитот EchoStar XXIII е исклучително тежок и неговото поставување е на огромна височина од околу 34.000 километри, ракетата морала да има огромна количина на гориво. Тоа значи дека немала доволно енергија за да го изведе вертикалното спуштање.
Поради предизвиците на мисијата, директорот на SpaceX, Елон Маск, најави дека во иднина сличните лансирања ќе ги изведува ракетата Falcon Heavy која во моментот се уште е во изработка. Мисиите ќе може да ги изведува и надградената верзија на Falcon 9 - ракетата Block 5 која ќе полета на крајот на годината.
