Сан Антонио Спарс станаа големи добитници во ноќеска откако победија на НБА драфт лотаријата и на тој начин го добија правото да го изберат првиот пик.
Спарс беа еден од трите тима, заедно со Шарлот Хорнетс и Портланд Треил Блејзерс, со 14% шанси да го добијат најдобриот пик на драфт лотаријата во НБА и се очекува да го изберат Виктор Вембанјама, 19-годишната француска сензација на драфтот закажан за 22 јуни. Така, младиот Французин следната сезона би можел да игра во тимот предводен од легендарниот Грег Попович, каде играше и неговиот сонародник Тони Паркер.
Сан Антонио во минатото доби некои големи ѕвезди со право на прв избор, вклучувајќи ги Дејвид Робинсон во 1987 година и Тим Данкан 10 години подоцна.
„Ова е навистина посебен момент што ќе го паметам до крајот на мојот живот“, изјави Вембанјама за ESPN од Париз. „...ќе се обидам што е можно поскоро да го освојам прстенот“.
Вембанјама е висок 220 сантиметри и според НБА тој е најочекуваниот руки на годината од Леброн Џејмс наваму, кој беше прв драфтуван во 2003.
Шарлот Хорнетс ќе го избере вториот на драфтот, кој ќе се одржи на 22 јуни во Њујорк, а потоа ќе бидат Портланд Трејл Блејзерс и Хјустон Рокитс. Хјустон исто така имаше 14% шанси да добие на лотаријата.
Детроит Пистонс, третиот тим со 14% шанси да дојде до првиот пик, ќе бира петти.
Скут Хендерсон од Џи Лиг Игнит и Брендон Милер од Алабама се водечки кандидати за да бидат втор и трет избор, соодветно.
Вембанјама е играч на француски Метрополитан 92 со просек од 21,8 поени и 10,3 скокови сезонава.
Сан Антонио го пропушти плеј-офот четврта година по ред и сезонава оствари скор од 22-60, што е трет најлоша скор во историјата на франшизата.
Остатокот драфт лотаријата: Орландо ќе го избира шести, Индијана седма, Вашингтон осми, Јута деветтоа, Далас 10-ти, Орландо (од Чикаго како дел од претходен трејд) 11-ти, Оклахома 12-та, Торонто 13-ти и Њу Орлеанс 14-ти.
