Седумнаесет години по објавувањето на популарната песна “Stan” на американскиот рапер и продуцент Еминем, Оксфордскиот речник на англиски јазик официјално го усвои зборот „stan“ во својата база на податоци.
“Stan” беше третиот сингл на Еминем и во песната раперот се обидува да се справи со славата пеејќи за обожавателот Стен кој е опседнат со него и на крај ја убива бремената девојка и себе.
Оксфордскиот речник го усвои зборот “stan” како именка што означува опседнат обожавател на славна личност, како и глаголот “stan” што означува опседнато и претерано обожавање на некоја славна личност.
Како извор, во речникот се наведува извадок од песната на Еминем во која раперот вели: „Тој има милиони стеновци кои се опседнати со него и го нарекуваат бог на рап музиката“ (He has millions of stans who are obsessed with him and call him a rap god).
Списанието Q ја рангираше песната “Stan” како трета најдобра рап песна на сите времиња, а Rolling Stone ја вброи меѓу 500-те најдобри песни на сите времиња.