Епидемиолошката ситуација и трендовите во јужниот дел на Европа и на Балканот се загрижувачки, изјави денеска началникот на секторот за вонредни ситуации при Светска здравствена организација, Мајкл Рајан.
– Иако западноевропските држави успеаја да ја стават епидемијата под контрола, загрижувачки се трендовите што се појавија во Јужна Европа и на Балканот. Сè уште не сме ја напуштиле зоната на ризик во Европа. Епидемиолошката ситуација бара да продолжиме да бидеме внимателни, истакна Рајан.
Тој додаде дека нема сомнеж оти жариштето на пандемијата е во Северна и во Јужна Америка, но оти се интензивира ширењето на вирусот во Африка.
